黎諾懿經常在IG分享煮食短片,又喺big big channel「疫境廚神」明星版專區直播教烹飪,積落唔少Fans。雖然食得多,但黎生就冇乜長肉,全靠佢屋企有個私家健身器材,隨時隨地可用,想肥都難。
講嘅係佢個3歲囝囝黎峰睿(小春雞),尋晚黎諾懿上載咗條運動片,佢高舉3歲嘅囝囝上上落落,突然間,囝囝放咗篤屁,黎諾懿即刻問佢,小朋友係咁笑,就算之後黎諾懿換轉姿勢將囝囝舉高,小春雞仍然繼續笑,魔性笑聲好治癒,好得意,我都睇咗幾次。