唔少新手媽媽總會遇上湊BB煩惱,甚至束手無策。40歲楊怡恨咗多年,今年4月為羅仲謙誕下掌上明珠「小珍珠」,唔使講都會鍚到燶。「小珍珠」已經出世逾百天,不過楊怡就遇上愛女厭奶嘅煩惱。

 

昨晚楊怡就喺IG出Post求教同求救,集師廣益嚟解決問題。她貼了一張形容係醉羅漢嘅「小珍珠」瞓覺相,相中愛女按住奶樽蓋睡得正甜,面仔肥嘟嘟相當可愛,寫道:「有誰可以告訴我,厭奶寶寶應該怎樣餵養?換奶粉,做了…換奶樽,做了…在寧靜的房間餵,做了…睡著時才餵,做了…少食多餐,做了…還有爸爸(羅仲謙)在旁又唱又跳,還有甚麼未做的嗎?奶樽不再是裝奶奶的器皿,奶樽已經成為她的武器。#厭奶期 #厭奶 #小小珍珠 #厭奶寶寶餵養記 #眼瞓到一個點」。

 

唔少星媽、粉絲及網友提供個人心得意見,有的話BB踏入3個月聽到少少聲就唔飲奶,所以最好提供安靜及睡著時候餵奶,用米水開奶都work。有人建議她埋身餵嚟感受吓媽媽的味道。亦有人叫她替BB清理舌胎,因脷胎太厚,BB飲唔到奶味、甚至叫她試吓留意奶咀個出口位,如果太細,BB好大力先食,食食吓會攰,食少少就停…阿怡收集意見後回應:「多謝大家關心和意見,全部看了,我除了餵人奶都有加奶粉呀,明天就試吓大家提供的方法。」而圈中星媽老友胡杏兒、陳敏之、楊秀惠、甚至新手爸爸陳山聰都為她打氣,叫她加油。