由胡杏兒、胡蓓蔚、胡定欣、姚子羚、黃智雯和李施嬅6個閨密組成的「胡說八道會」,有一班冇齊腳聚會,啱啱宣佈黃智雯忙於工作,終於可以合體成功,當然要慶祝一吓,不過佢哋唔係齋大吃大喝,而係繼續發揮演技。她們利用app玩換裝,大家即變古代美女,仲拍埋片順住續個出場會網友。打頭陣的胡杏兒相當認真;跟住到拍古裝經驗不多的胡蓓蔚,一樣似模似樣;到姚子羚就走嬌俏路線。本來頭三位都順利完成演出,點知到李施嬅準備出場,跟住後面的胡定欣完全忍唔到笑,搞到李施嬅笑埋一份,連累包尾出場的黃智雯差啲唔能夠順利出場,所以胡杏兒分享片段時,留言:「六大美人,準備好未?」胡定欣即回應:「好明顯最後個3位係無準備到」李施嬅亦回應:「後面三個茄喱啡做乜」姚子羚亦話:「我地笑到收唔到,笑屎了⋯⋯」