巴士意外每日隨時都可能發生?有網民在facebook上載片段,見到一輛城巴在銅鑼灣被一輛的士突然切雙白綫抽頭,之後又在兩條行車綫之間停車,疑有心阻礙後來被截城巴與另一輛九巴開走。網民批評的士「玩嘢」,但也有人認為巴士無望清楚就開出也有不對。

有網民在facebook上載片段,見到昨晚在銅鑼灣中央圖書館對外的高士威道,一輛城巴埋站後正往怡和街方向行駛,一輛的士涉嫌切雙白綫闖入右方電車路範圍,再突然切雙白綫抽頭,連累城巴急煞停。之後紅綠燈位前方的車輛開走後,的士卻遲遲不開出,等了5、6秒才開車。

不過的士之後又「行下停下」,騎住兩條行車綫極其慢駛,令左後方九巴以及城巴只好尾隨的士。雖然前面一路暢通無阻,但的士仍然持續約20至30秒慢駛,令九巴不耐煩與的士「搶綫」,險象橫生。

雖然不知前因有何積怨,但大批網民斥責的士司機魯莽,「想問,關架968咩事?點解要玩埋佢?」,「馬路唔係鬥氣/發洩嘅地方!有問題大可以投訴,做埋哂呢啲危險動作,畀人控告/公審都係自己攞嚟」。

但也有網民認為,巴士並非完全無問題,「巴士霸慢線,的士不等於可以過雙白,因為旁邊會有電車。」、「嗰巴士司機,睇都唔睇就抽頭出,唔怪得的士佬發脾四,比我係的士佬就咁撞落巴士度就算了」、 「你抽頭望下塊右鏡先啦,老奉就騎出去」。