祖兒跳唱《隆重登場》,被台下觀眾大讚好靚。
祖兒跳唱《隆重登場》,被台下觀眾大讚好靚。
霆鋒獻唱《玉蝴蝶》與《潛龍勿用》等名曲,令粉絲High爆。
霆鋒獻唱《玉蝴蝶》與《潛龍勿用》等名曲,令粉絲High爆。

  (星島日報報道)由謝霆鋒主理的「美獅鋒味搖滾美食節」前晚繼續舉行,邀得樂壇天后容祖兒與羅力威助陣。當祖兒出場前,霆鋒突然衝上台,原來他想親自介紹祖兒出場,此舉令全場High爆。

  當祖兒跳唱《隆重登場》期間,台下觀眾大叫:「你好靚呀!」祖兒即大笑道:「我好靚呀?吹到成個癲婆咁都話靚呀?不過我幾鍾意呢個戶外嘅氣氛。」最後她以金曲《痛愛》作結,吸引全場大合唱。

  其後,以廚師服登場的霆鋒大唱《玉蝴蝶》及《潛龍勿用》等金曲,更大晒多國語言跟觀眾打招呼,並專誠準備了一首17年沒唱過的歌曲《281公里》,炒熱氣氛!唱完最後一首《活着VIVA》後,觀眾喪嗌Encore,霆鋒亦順應要求唱出《謝謝你的愛1999》,相當大方!