岑杏賢(Jennifer)本周一低調與圈外男友Kelvin簽字註冊結婚。老友朱千雪、湯洛雯及張嘉兒透過社交網傳媒宣布好消息,亦有透過傳媒分享婚禮喜悅及再次送上祝福。相隔一日,岑杏賢(Jennifer)終於分享結婚喜悅,她先感激傳媒朋友送上暖暖祝福,因為結婚當晚要處理註冊所拍攝的照片,因此未能逐一回應及令到傳媒久等待感到抱歉。Jennifer 嚴選多張婚禮相片,有跟老公簽字、靚靚Pose相及拋花球相片,她說:「特別分享我拋花球呢一張相,呢張相意義重大。因為一年前Tracy(朱千雪)拋咗花球畀我,令到我今年成為人妻。花球嘅魔力係非常之有意義,今次我亦拋咗俾蔣家旻(Angel),一班姊妹都非常非常之開心,祝福我地嘅姊妹得到幸福。」

另外岑杏賢表示丈夫是圈外人,所以婚禮一直保持低調。她說:「過程非常之開心,係一個好難忘好感動嘅婚禮。因為疫情關係,我哋唔可以擺好多圍酒,當中有40人一齊見證,主要係丈夫家人以及我嘅爸爸、媽媽、嫲嫲同一班好姊妹。」問到最難忘嘅事?Jennifer說,「係爸爸幫我帶頭紗再出去行禮嘅時候,我都好感動,見到班姊妹忍唔住留淚嘅時候,自己都忍唔住流眼淚。爸爸亦好感觸,依依不捨,始終我都係獨女,爸爸媽媽眼中都係掌上明珠,但佢哋都好開心見證我呢個婚禮。」

Jennifer透露暫時都以工作為先,婚禮翌日已投入工作,她笑說:「如果日後同老公有好消息,一定會同大家分享。」岑杏賢特別提到,當日婚禮花球是由好姊妹湯洛雯親手造的,非常感謝她送上這份結婚禮物,意義亦非常重大。最後,她再次感謝傳媒及朋友們送上祝福,亦希望這份祝福可分享給其他人。