久未露面的伍允龍(Philip)今日現身電視城,跟港姐謝嘉怡(Lisa)、鄭欣宜等出席《歡樂滿東華2020》記者會,原來Philip今年1月返美國為母親慶祝生日後,但踫上疫情一直停留至9月,及至兩個月前才返港,他說:「疫情初時爸媽因為有戴口罩出街,受到當地人歧視。陪媽咪四圍去時都會感受到奇怪眼光,係會感覺到唔係好舒服。」

伍允龍大大隻,笑問有否脫去上衫騷肌嚟保護媽媽?他笑說:「冇呀!當時冇操肌,肌肉唔係好大舊,都係返港呢兩個月先開始操返。」