郭富城太太方媛(Moka)近日的捲入的「天王嫂訓練營」風波,傳聞指由掌舵的Amy姐打造她及潘瑋柏老婆宣云(Luna)等進擊女仔成為「高質美女」,變靚啲去嫁個有錢人,而Amy姐旗下猛將城嫂就正好省靚招牌。呢個傳聞,隨即惹嚟網上熱話,但天王城城卻沒有挺身為老婆護航。

最奇怪係,噚日竟有心水清網民發現,Moka刪除同老公手拖手,當年Sweet爆認愛帖文,而8月5日係方媛33歲生日,過咗兩日都未見郭富城有表示,亦唔見方媛出post晒命放閃。

正當大家摸不著頭腦,開始對兩公婆感情問題作出無限聯想時,城城終於忍唔住要出手發攻喇!噚日Moka喺社交網連發兩帖、上載共10張相,嚟鐵證自己仲係王天老公寵幸嘅嬌妻,傳聞係唔會影響到兩公婆嘅幸福生活。相中見到城城抱着住兩寶甜蜜地望住許緊願嘅壽星老婆,亦有Moka與城城頭貼頭,用手合拼出一個心形嘅合照,大放閃光彈去閃盲網民雙眼。Moka更補充留言說:「遲到2天的生日照。」而城城在Moka出post後火速轉發了老婆的晒命相,並sweet爆地以「太太」來稱呼Moka說:「太太祝身體健康,幸福快樂。」另外,城城喺6小時內狂like老婆9個post,唔使講嘢,用實際行動撐梗嬌妻,亦曲線證明自己揀城嫂係冇跌眼鏡嘅。