香港樓價即使政治衝突加上新冠肺炎衝擊都是屹立不倒。連登討論區有網民於「感情台」發帖,指他30多歲,與同女朋友拍拖都一段時間,對方「日日問睇樓未、買樓未,肯努力啲未」,他自言「其實我已經好努力,無奈我都係打工仔」

事主透露,女友日日催結婚,「本身係應該支持嘅說話聽落愈來愈大壓力」。女友又期望他獨力置業,「女人真係好X煩,X佢儲錢買包包,我一個月0消費去買樓,公平咩」

隨即有網民質疑,「咁你幾時買嘢關佢咩事」、「問下佢:點解唔係一齊努力,而係單方面不斷畀壓力你?」、「一段長時間都唔知你無能力?似想逼死你多啲,講啲咁樣說話嘅女人唔要都罷,又唔出錢,一日到黑問問問、逼逼逼,俾到首期,一個唔好彩失業供唔起,記得攬埋佢一齊X」。

也有人建議當事人先儲錢,在新界西北上車盤或者市區的舊樓單位起步。也有有網民就奉勸當事人小心女友移情別戀,「好快就會話有個同事/朋友揸靚車住豪宅,好心你學下人啦,然後過多兩個星期呃你話同frd食飯就上去呢個男人度…」