谷祖琳自言會攞貼士落重注玩玩。
谷祖琳自言會攞貼士落重注玩玩。

(星島日報報道)香港賽馬會上周三(13日)以安全為由,取消跑馬地賽事,昨日沙田賽事則如常舉行,雖然港鐵不停馬場站,入場人數明顯減少,但無損死忠馬迷和馬主到場支持心水馬匹。太子珠寶鐘錶主席鄧鉅明獨自到場支持愛駒「閃耀榮光」,惜最終三甲不入;谷祖琳則陪朋友入場,笑言攞貼士落重注玩玩。

  基於安全理由,香港賽馬會上周三取消當日賽事,而昨日的周日賽事則恢復正常,雖然受交通影響,入場人數明顯較少,但一眾死忠馬迷仍堅持到場撐心水馬匹,包括鄧鉅明、谷祖琳、王晶、陳百祥、吳孟達、黃婉曼等城中名人。鄧鉅明單拖到場支持愛駒「閃耀榮光」,可惜最終三甲不入;谷祖琳見到傳媒時顯得驚訝,她表示是陪朋友入場,平時很少來馬場,今次都有攞貼士落重注玩玩。

  黃婉曼有份的團體馬「跳出香港」昨日都有出賽,最終跑第四名,賽後黃婉曼孖老公齊齊現身,她笑指比賽不會每次都贏,認為可訓練EQ,並指今次的對手都是高班馬,故不會感到失望,她說:「我們住馬場附近,所以每次有馬出賽都會帶兩個女來打氣,可能今次不夠念力,因為大女剛才睡着了,只有細女幫忙做啦啦隊打氣,平時有時間都有帶大女去睇馬仔,餵牠們食蘿蔔。」講到中、小學和幼稚園近日停課,黃婉曼指大女已一星期沒有上學,自己大多都留在家中陪她們,但沒有帶她們一起上班,會擔心交通不便,又說對停課表示理解,會在家教女兒,安全最重要。