鄧麗欣獲粉絲預祝她的「18對」生日。
鄧麗欣獲粉絲預祝她的「18對」生日。
這班粉絲支持了鄧麗欣很多年。
這班粉絲支持了鄧麗欣很多年。

(星島日報報道)鄧麗欣(Stephy)昨日度過36歲正日生日,男友王子(邱勝翊)竟然「無影」?原來Stephy習慣每年生日閉關特「瞓」,不過她早已相約一班fans舉行生日會,提早慶祝「第二個18 歲生日」,被fans乘機催婚,她笑言當聽不到。

  日前Stephy約定歌迷會一班fans開生日會預祝36歲生日,fans除了送上親手炮製的生日蛋糕外,又陪Stephy大玩「估歌仔」及「歌詞接龍」等集體遊戲,不少忠實fans擁有驚人記憶力,對Stephy多首金曲倒背如流,令她驚訝不已。

  到了溫馨傾心事環節,fans關心Stephy工作近況外,更為她的人生大事着急,乘勢追問她與男友王子的婚期,令壽星女哭笑不得。對於被fans連番催婚,Stephy笑言:「我懷疑佢哋係臥底,好多fans無端端好官腔問我幾時結婚,我已飽歷風霜,呢個問題已被人問咗十年,我已習慣,所以當聽唔到,哈哈!」

  問到生日願望,Stephy稱每年也簡單希望身邊人開心、健康,她又表示已多年未與fans一起慶祝生日,坦言:「可以同我一班親愛嘅fans度過我第二個18歲生日,見大家一齊成長多一歲係好開心。我年年生日願望都好簡單,真心希望身邊嘅人開心,健康、開心永遠都係無價,呢個願望永遠都伴隨我左右,見到大家玩得咁開心,我已好滿足。」

  至於生日正日,Stephy透露通常都進行特「瞓」,閉關睡足一天,她笑言:「通常在生日前一日慶祝,玩完通宵之後,正日就瞓覺,休息一日。」追問Stephy是否與男友度過?她則扁嘴笑言:「冇啦!今年佢要做嘢,我唔知佢係咪講大話啦,哈哈!應該唔係嘅,佢真係去咗第二度做嘢,冇所謂啦。」