個唱尾段,阿田提起媽媽的往事,即眼淚失控。
個唱尾段,阿田提起媽媽的往事,即眼淚失控。

(星島日報報道)田蕊妮首個個人演唱會《Kristal Tin New Start Live Concert》前晚於旺角麥花臣場館舉行。田蕊妮以獨白及歌曲貫穿整個演唱會,也提到田媽媽離世及跟丈夫的愛情故事。

  田爸爸打頭陣出場,台上跟女兒田蕊妮合唱了兩首歌,為演唱會拉開了溫暖序幕。之後阿田跟嘉賓林二汶合唱《早班火車》,並唱出二汶為慶祝她當年結婚所創作的歌曲《守望杜田》。

  田蕊妮說:「結婚前我好多嘢驚,結婚後以為所有嘢安定落嚟,點知佢一而再、再而三拖我跳出舒適圈。結婚14年,我由唔敢做決定、乜都驚嘅人變做勇敢嘅人,老公亦由一個『衰人』變成一個人,甚至佢喺我心中,係一個好好嘅人。」她提到結婚後,曾有很多朋友羨慕她嫁得好,住豪宅戴鑽戒。但近年,同一班朋友卻對着她說三道四,指責阿澤沒有理她感受,甚至通過阿田勸說阿澤少說話。阿田說:「近幾年佢照顧得我好好,生活同心靈上都照顧我感受。幸福唔係老公表面上畀咩我,而係經過多年經驗同相處,點樣可以將彼此變成更好嘅人。」隨後,播出一段以阿澤為主角短片,片段結束前,阿澤說:「如果問我人生最好嘅成就係咩?就係娶咗個好老婆囉。」

  2013年阿田得到雙料視后,踏入事業高峰,同年田媽媽胃癌復發。當時阿田決定暫停所有離港工作,她說:「諗住離開一兩日,去馬來西亞攞獎無事啩。點個攞完獎,一落台就收到爸爸訊息,叫我返香港即刻去醫院睇媽咪。」這才恍然大悟,原來快樂跟不快樂都只不過是一秒之差。接着阿田唱出《最親》送給媽媽,到了尾聲仍是忍不住落淚。

  Encore環節,阿田大癲大肺的一面再次出現,只可惜被歌迷突如其來的預祝她月尾42歲生日打斷,眼濕濕地許過願切蛋糕,最後唱出《未來見》畫上句號。騷後訪問時,阿田大嚷不捨得,但卻不時反問記者訪問是否結束,嚷着要去打邊爐。阿田提到台上所有獨白,丈夫跟好友事前都有聽過及給予意見,喜見觀眾反應都如預期。談到以「衰人」形容阿澤,她笑說:「呢個形容係最貼切。」 提到談到田媽媽再次感觸落淚,她說:「其實已經好叻,我綵排喊得仲厲害。不過老公同導演都有同我講,表演者要傳達訊息,唔可以太過情緒化。」