(曾智華)

  今日講三粒星!第一粒,周星馳。所有香港資深電視電影迷,無不見證星仔由兒童節目冒起,被李修賢睇中力捧,紅 之後與李修賢反面,被公開指「反骨」,但冇影響,反之,大紅大紫成超級巨星,更跨越香港,攻陷內地市場,其電影更成為大學生學術研究項目。如日方中之際,即被廣東省邀請,出任政協委員,個人生意亦愈做愈大。

  周星馳在電影方面的成功、在人際關係的失敗(N個前拍檔公開評論),大家耳熟能詳。如今竟與一位曾經非常親密的女友于文鳳,為了七千萬元物業投資分成,而用上過百萬元(最少啦)打官司。

  「反轉豬肚」那刻,就是最佳見證一個人質素的時候。大家不免問句:使唔使去到咁盡呀?

  你話小弟老套、保守、大男人 乜都好,我堅守的原則,對身邊的女人,盡量大方及包容,莫說動手,鬧交、頂嘴都無謂。真正無法相處下去,就應大大方方,在金錢、物質上,做「蝕底」的一方!

  物以類聚。我有幾位老友,也曾「不幸」與前妻分手。正是清官難審家庭事,邊會有一邊 晒或錯晒?幾位老友採取手法一致,是「賠足」!不用打官司,立即將一半財產交前妻,自己再上路。更勁兩個,為免前妻奔波,物業都放棄,全送曾經心愛的人,自己一條光棍搬出再打算。

  冇乜值得大肆宣揚,這只是一個大丈夫的基本風度。見星仔電影事業曾如此成功,如今在投資、人際關係及個人形象搞成咁,真真無言。

  還是開開心心講另兩粒星好過!

  明日賽馬,提供「達心星」及「威妙星」。

  「達心星」 跑第一班「其士盃」,千六米,獎金三百萬元。方嘉柏今季擺明車馬爭冠軍,凡去得的都博,倚重莫雷拉出擊。「達心星」屬明星馬,鬥心驚人,六月至今三W一第二,唔識輸!

  「威妙星」今年初出跑一千即入第三,近日上從化力磨暗斜一千草閘W出。潘頓霸住騎,十四檔,同場冇乜對手呀!