(曾智華)

  樓市價格走勢,受非常多客觀因素影響,包括經濟、政治、疫情、移民潮、辣招……所以,根本冇人可以準確掌握。

  就算同一時期,趨勢也可以各走極端。例如,近日有兩大負面現象,包括不少二手樓在劈價,有「心急移民」者,交咐經紀,只要賣得出,可以「無底 」劈價,真誇張。另外,新盤撻訂潮也相當嚇人。今年到目前為止,數字正邁向四百宗,明顯是失業、減薪及執笠大潮洶湧引起的。

  值得留意,是新盤採用建築期付款的撻訂比率,特別高。主要集中在新界,應是負擔能力同一階層的打工仔,正共同面臨經濟困境。

  昨晚,與地產代理高人「大L」啤一啤。小弟非常好奇,點解整體市況滑落,但新世界集團個「柏傲莊」新盤,則賣個滿堂紅呢?三次推出,三次火速沽清,QQ清袋!

  「L哥,我先想問一個腦中的纏繞問題。究竟新盤開賣,一Q清袋,是否好事呢?」

  「哈哈哈,碌Sir,我知你想問乜。新盤開,若先擺幾十個單位出 ,以跳樓價博人搶,製造哄動,變新聞,慳廣告費,鋪路賣跟住出 千幾個貨,咁,當然正常好『橋』啦。不過……若果好似『柏傲莊』咁,次次幾百個單位咁出,又次次火速去晒,QQ清袋,咁就……老老實實,任何地產集團打工仔,無論做到幾高級,都可能畀大老闆踢屁股餵貓麵,因為……」我冇耐性等佢講完,即插嘴:「咁咪即係Mark錯價?明明可以賣高三成,如今平過市價,當然排大隊搶購。消費者真金白銀,點會死錯人呢?喂,邊個可以落如此『錯誤決定』?」

  「哈哈哈,都話咯,就算打工皇帝落,都會被老闆詐型啦,所以……」

  「哦哦哦,咁即係價錢由新世界如今 Fit人鄭志剛親自扑槌啦!」

  記者見到Adrian,唔該代我呢位新世界小股東問,今次定這個「Wise Move」的原因?究竟賺少 幾多?又或總結是除笨有精呢?