(曾智華)
  中央換人,次次「閃電手」,事先絕不走漏風聲。例如早年「董建華腳痛」及梁振英自爆「不會再連任」等記者會,皆出其不意突然召開。最近,「殊」聲換中聯辦前主任王志民及周四換港澳辦前主任張曉明也如是,話?就?!一脈相承,正常推斷,當然下一波就是到特區政府,究竟會點「鋪排」呢?又是迅雷不及掩耳?小弟立即走去拜會「政治高人」,問點睇。
  「阿碌,特區政府將會點變,唔方便推測了。反正,你知我知,唔變唔掂,否則,被要求問責借歪的兩位主任點服?仲有,內地N咁多其他官員牛咁眼望住?。香港爆出咁大劑都唔『做?』,點可能呢?」
  「高人,咁有乜可以透露呀?」
  「政治分析,中聯辦主任急換『大內高手』,當然有實質任務在身,慢慢大家就會知!」
  「高人,駱惠寧來港已個多月,低調到驚人。除上任外,冇再見傳媒,亦絕少私底下約會各路英雄(可能有而我唔知),就立法會選舉部署及對付疫情方面,亦一字不提,究竟有乜實質?做緊呢?」
  「駱惠寧,香港人唔多識,但內地官場無人不識,因佢早幾年搞掂有『最嚴重貪污腐敗省份』之稱的山西省,功力非比尋常。只來了香港個多月,仍短,肯定正在挖出香港的深層次問題。等下啦,三月頭四月底,應該有?睇!」
  「有乜?睇呢?」
  「作為欽差大臣,來港三個月後,一定被習主席召見。到時,會交代三個問題尋找到的真象及提供初步答案:一、點解香港會搞成咁,原因?邊;二、特區政治體制可以點變去拆解嚴峻局面;三、人事格局可以點重新部署,以確定有足夠能量應付未來發展。」咦,相當大變化喎。香港人暫時冇乜角色,只可擔張凳仔睇台戲點演,才決定企位。
  「阿碌,短短一個月內習主席派兩個親信雙劍合璧處理香港事務,非比尋常,唔係講玩。大家綁緊安全帶迎接大震盪可也!」高人微笑講。