周二晚,約?幾位財經界老手暢飲加晚飯,縱論政經大形勢。
  香港地,真係大把錢,睇睇股市就知,經歷大半年的政治運動,再加近期嚇到個個彈起的疫情,市面淡靜到飛起,執笠、炒魷、減薪……湧現。之不過,仍有無數真金白銀往股市湧,不少上市公司股價竟破頂!所以,只要做足研究,分析力強,心水清及有閒錢者,不時都有機會在股市贏到遠遠超出通脹的利潤。
  當晚,「權威L」最犀利:「各位,我睇,魔童一定出招批股。香港電視咁升法,『有人』炒到上七元三角癲價才回落。成個格局,擺明使出吸水大法啦!咁形勢,唔抽水仲係王維基咩!」
  風水佬呃你十年八年。「權威L」之言,竟然半小時成真!「樓神L」去完洗手間,?個手機大叫:「L哥,犀利?。呢頭講,?頭中到應!」原來香港電視剛剛公布,以先舊後新方式配股,集資四點二六億元。
  王維基因未能成功投得電視牌照,改而經營網購,蝕足幾年,終遇上大型政治運動加疫症,人人足不出戶落單網購。天助自助者,老王終於守得雲開,再加上因個人「政治形象」,近年吸納不少粉絲誓跟隨,於是,「青天路」出現矣。
  王維基性格我行我素,夠狠夠勁。這類脾性,可以好成功,也可以一失足(未必成千古恨)。
  佢早年未摸清楚官場潛規則,以為有資金,有民意支持,再加一腔熱血,就可以用個人名義去申請電視廣播牌照。結果,被扑低,正是「我行我素」行事方式的弊端。
  其實佢應早早做好「功課」,搞清楚政府出牌準則才去馬,就可避免碰到一鼻子灰。
  任何政府發廣播牌,對董事局組成要求極嚴格,必須有下列人物:一、傳統家族或富豪(以保證資金足夠及有偈傾);二、行政會議成員及前高官(知政府價值觀及心意);三、廣播專家(確保運作順利)。王維基好似乜人都冇,拍拍心口就去,當然被「一男子」扑低啦。