電影,是商品,若Hit中一條「橋」,任何電影大亨都會立即拍續集,拍到殘為止。
  例如甄子丹飾演葉問,咁鬼收得,黃百鳴點會收手?不過,中外巨星皆精甩辮,當明知你冇?我唔掂(其他行業,尤其政府,永冇如此),仲唔獅子開大口?所以,甄子丹雖其他電影票房麻麻,冇乜叫價能力,但一演葉問,即收過億元片酬兼全球分紅。
  外國更加多呢類例子,最經典為一九九五年推出的《重案夢幻組》(《Bad Boys》),票房勁到爆炸,此片好玩、好笑、有型,一對拍檔韋史密夫及馬田羅倫士極有觀眾緣。
  一套掂,並冇火速拍第二集,反之,「磨」了八年,到二○○三年才推出《重案夢幻組II》(《Bad Boys II》)。珠玉在前,續集雖然同樣娛樂味濃,但口碑並沒第一集般勁,不過,仍然全球狂收,認真犀利。
  電影大亨當然食住上,但一計成本,嚇一跳,因原本的導演米高比爾及韋史密夫皆嗌天價,兩個,可以冇?邊個?當然係導演啦。
  結果最後一集(應該係喇??兩個已變?Bad Uncle阿叔喇喎)換導演,不換主角,取名《重案夢幻再重組》(《Bad Boys For Life》)。
  第一套《重案夢幻組》在二十五年前,當時韋史密夫二十六歲,馬田羅倫士二十九歲,今番重見,當然變?阿叔。韋仍然好Fit,擺明為此片操肌,因要應付大量武打槍戰飛車場面,但馬田就弊,已變肥叔,所以,片中安排佢夠鐘退休。
  不過,一Fit一肥,已有一定喜劇效果,令資深觀眾(不少看齊三集)發笑。
  此片屬荷里活一級製作,不惜工本。兩位攜手導演阿迪爾埃爾阿拉伯及比拉法拉,功力非凡,全片節奏明快,笑位爆現。
  這類片,動作及特技導演更非常重要,連場海陸空大戰,要衝破前人模式,必須是個設計天才,這方面,《再重組》超晒水準,畀一百幾十元享受如此超級製作,仲想點?