瑞銀保薦人停牌一年未到期,昨天獲證監撤銷處分。
瑞銀保薦人停牌一年未到期,昨天獲證監撤銷處分。

  (星島日報報道)話說在去年3月,證監會雷厲風行「打大老虎」,瑞銀香港等合共4間投行,因為擔任新股保薦人時出問題,總共被罰接近8億元罰款,當中瑞銀更遭暫停牌照一年,即係這段時間不能出任保薦人。雖然一年之期未到,但證監會昨天宣布,撤銷停牌處分,唔通證監會想「放虎歸山」?

  停牌期未完,就可以重新開檔,證監會係首次有這樣的安排。據悉,呢種情況屬於「下不為例」,即係下次有投行被罰停賽,唔使旨意一定有得提前拎番個牌。據悉證監會都係睇番個別情況作決定,唔係間間都得。

  咁點解瑞銀可以提前兩個月恢復執業資格?證監會就話,「瑞銀已按協定委聘獨立的檢討機構並與該機構合作,檢討有關其進行保薦人業務(相關範疇)的政策、程序及常規。」如果翻譯成大家明白的語言,即係認罪態度良好,所以有得提前「放監」。