北區醫院大堂放有一座鋼琴，不時有市民露兩手彈出悠揚樂韻，以音樂撫慰人心。一名婆婆便是這座鋼琴的常客，日前更被捕捉到彈奏經典電視劇主題曲《萬水千山總是情》期間，有路人陪唱的既溫馨又和諧場面。詳情見下圖及下文：
九旬婆婆北區醫院大堂彈琴 路人伴唱《萬水千山總是情》 逐張睇↓↓↓↓
樓主：無諗醫院大堂有婆婆彈琴
樓主昨日（13日）在社交平台Threads以「正能量」為題，上載兩段婆婆彈琴短片，發帖指「去醫院借尿遁，無諗過喺醫院大堂有個婆婆喺度彈琴，側邊仲有人一齊陪婆婆唱萬水千山總是情😬，好和諧」。
片中的婆婆似乎在毋須看琴譜下，輕鬆彈出《萬水千山總是情》和另一齣經典電視劇《上海灘》的主題曲，醫院內不少人行經時都回頭張望，有人甚至駐足欣賞。
相關閱讀：大叔小巴司機蜘蛛俠式拉筋 街坊見證更極致超狂一幕 網民拜服：司機超柔軟
網民：婆婆喺北區醫院彈琴好多年
據回應的網民透露，婆婆似乎經常在這裏彈琴，有人形容情況好比「高手在民間」，有人則指：
•呢個婆婆喺北區醫院彈琴好多年啦！每次聽到佢嘅琴聲都會會心微笑，希望佢身體健康生活安好；
•佢哋係長期喺度！次次去都會坐下聽下，聽完會拍手掌，真係好似音樂會咁；
•呢個婆婆好叻㗎，我次次入醫院，我老豆入院，都會撞到佢彈；
•兩年前我啊公走嗰日佢都喺度；
•喺北區醫院彈咗好多年。
相關閱讀：深水埗牛肉佬晒「舞空術」？ 網民凌凌漆上身發現驚人重點……
網民爆出婆婆身世
有回應的網民則驚訝婆婆的「手指靈活！」，大讚「呀婆真係寶刀未老」、「呢位婆婆以前一定係書香世家嘅大小姐」、「婆婆直頭係民間好琴音，支持婆婆彈多啲，健康啲！😊🙏」。
還有人力讚「婆婆彈得好好聽，好欣賞佢咁堅持，希望佢身體健康，彈到百二歲」、「最勁嘅係佢呢個年紀，完全唔使睇譜，啲曲譜刻咗入個腦度咁，好厲害」。有人於是估計「婆婆以前彈琴一定好勁」、「婆婆隨時係前音樂或鋼琴老師嚟」。
接著，有似乎知情的網民爆料，指：
•之前我公公走去問過佢，原來婆婆以前係音樂老師，已經90幾歲啦；
•婆婆後生嗰時好似係鋼琴老師👵🏻🎹，上星期聽到彈《月亮代表我的心》🌛❤️；
•呢個婆婆好chill（隨性悠哉地生活）㗎，嗰次同佢傾計外國返嚟定居，下午嚟彈一陣，便去食飯，仲有英文名㗎。
還有人留言稱「婆婆以前唔使用拐仗，希望佢身體健康，繼續彈琴俾我哋聽」、「佢從來冇放棄過成為一位出色嘅音樂家」。
資料來源：lwkkkkkkkk_＠Threads
相關閱讀：西環隱世奇店 網民：一個被家居維修耽誤嘅鋼琴大師？↓↓↓↓
雜亂角落積滿上世紀灰塵。昏黃暗燈下，破爛中傳來悠揚婉轉琴聲。短褲襯皮鞋，雜物作椅塾，樂譜前彈指間尋覓半生，知音難求。
白底紅字門牌前，掃把與水喉膠桶之間，電結他寂寞地懷緬著可能曾經的光輝歲月。大隱隱於市，西環似乎發現「一個被家居維修耽誤咗嘅鋼琴大師」，網民「Ｏ嘴」嘩然，並陶醉在這難得的城市浪漫氛圍中↓↓↓↓
