人人守規矩排隊等巴士，遇上「打尖黨」時特別令人氣憤。一名乘搭往來屯門至銅鑼灣長途巴士、揚言自己「排第一」的紮馬尾女子，早前便因為從隊尾衝前企圖打尖上車，惹起排隊隊伍的公憤，更被一名正義的港女以這方法出手制止。詳情見下圖及下文：
隊尾衝前打尖爭上巴士 馬尾女揚言「排第一」惹公憤逐張睇↓↓↓↓
樓主：後面十幾人一齊X佢
樓主本月5日在facebook群組「屯門公路塞車關注組」上載相片發帖，講述這名馬尾女在銅鑼灣962X綫巴士（來往屯門龍門居及銅鑼灣摩頓台）的打尖情況，指「巴士一開門，佢即衝去隊頭想上車，俾我一手捉住佢叫佢排隊。佢仲ＸＸ咁話佢係排第一……然後我後面十幾人一齊X佢」。
樓主續指，馬尾女從隊尾「衝上嚟當排頭位」，並補充「到落車差不多太陽落山，佢都唔除副墨鏡）#屯門人團結的力量」。樓主在回應欄補充「由於太多人Ｘ佢，佢上咗上層見唔對路，行返車頭嗰邊搵位」。
網民大讚樓主「做得好」
回應的網民大讚樓主「做得好」，並指「啱啊，啲阿伯阿嬸好鍾意咁樣，係要出手推或擋住佢哋就啱」；樓主則現身回應：「大媽阿sim（嬸）由女人出手捉啦，唔好俾人機會嗌非禮呀」。但也有謹慎為上的人提醒「你捉住人，可以構成普通襲擊」。
網民分享其他打尖惡行
另有不少網民分享自己曾遇上的打尖惡行：
•唔係淨係老年人，我幾次見後生女仔都打尖；
•260x（來往屯門寶田邨及紅磡站巴士綫）紅橋（站）上都係咁；
•依家真係多咗好多……成日扮傻行到隊頭，搭𨋢又係咁，排隊搭車又係咁；
•好多人隻眼開隻眼閉，得自己出聲，啲人覺得你好似怪胎咁，但係我會照樣出聲 ；
•（樓主）你真係好彩，有人幫拖，我試過無數次無人幫拖，亦都見過無數次啲人都由得呢啲人打尖唔出聲；
•其實搭西鐵（屯馬綫）都係咁，好多阿伯阿嬸唔排隊，企喺最後面，車到就一支箭喺中間攝入去車廂。不過好多人都隻眼開隻眼閉；
•噚日我坐261（來往屯門三聖邨及粉嶺祥華巴士綫）上水都係咁。唔好睇佢哋幾十歲拎一袋二袋，其實都好靈活，俾人一厲佢哋就會扮傻問司機嘢……面皮厚到呢，太多數都肯定係慣犯～所以一定要出聲！
網民笑言馬尾女見到氫能車太興奮
另有識貨的網民查問涉事巴士的款式——「呢部係咪氫能車？」，樓主先回應「女人仔唔識分呀。淨係知道係新車。啲膠味仲未清」，及後上載車廂照片指「真係（氫能車）喎」。於是有網民笑稱，馬尾女「一定係見到RP866（編按：氫能車車牌）行屯門線興奮過頭忍唔住要衝上車」。
相關閱讀：氫能巴士獲准行駛隧道標誌里程碑
相關閱讀：雙層氫能巴士啟航行駛窩打老道線 將擴展至另外兩條九龍市區路線
相關閱讀：試坐首輛雙層氫能巴士 李家超：全港巴士迷雀躍等「打卡」
資料來源：Jojo Cheung＠facebook
相關閱讀：港女飲茶公審熟客唔拎飛打尖 反招網民圍插：酒樓潛規則都唔識？↓↓↓↓
有港女在樂富一間酒樓飲茶，拿完飛等位，但結果發現有很多熟客「唔使拿票直接安排入座」，港女發帖公審該酒樓容許公然打尖，竟反招網民圍插。不少網民更爆出酒樓飲茶「潛規則」，更揚言港女有得飲茶，「都係因為有呢批打尖嘅熟客」↓↓↓↓
