梁諾妍(Inez)和譚杏藍(小花)今日到鰂魚涌為香港開電視節目《一秒廚神》錄影。Inez表示,由於冇時間下廚加上媽媽烹飪了得,所以自己煮食唔太叻,亦未有機會跟媽媽學習,日常她大多以烚食物為主。Inez隨即被取笑,問到是否幫男友洪永城減肥?她笑道:「佢自己減。我烚食物總比佢叻,因為佢烚餃子成日烚到熔咗。」
同樣媽媽煮餸拿手的小花稱,因為與媽咪同住大感幸福,所以自己也很少下廚,但寸男友趙善恆(恆仔)煮食比她更差,小花說:「佢淨係識得將食物放入微波爐叮,仲試過放雞蛋入微波爐叮,迫我食,但個蛋好腥,好慘。」