王菲早前和囡囡李嫣慶祝14歲生日,母女二人攬著合照,非常溫馨。李嫣跟時下年輕人一樣,不時都會喺社交網分享生活點滴,但早前一張肩上紋身相就惹嚟負評,狠批她未成年就紋身,最後要無奈地澄清只係紋身貼紙。

李嫣爸爸李亞鵬最近捲入欠債4000萬風波,但似乎未有影響李嫣嘅心情,她近日就和一班好友舉行制服派對,並喺網上分享照片,只見李嫣紮起孖辮穿上水手短裙,露出一截纖腰,兩隻手搽咗唔同顏色嘅指甲油,好似天后媽媽咁相當貪靚,不過青春可人,好有少女味。患有先天性唇腭裂(兔唇)嘅李嫣3個月大時,已接受第一次矯正手術,經過幾次手術後𠵱家變身美少女,愈大愈靚女,真係女大十八變呢!