電影《一秒拳王》受第四波疫情影響而延期上映,戲院於年初七(18日)重開後,不少戲迷均於官方Facebook專頁追問《一》片最新上映日期。而戲院重開的首個周末,該片的多場優先場亦紛紛爆滿,電影公司方面已確定在3月11日正式上映!《一》片最新一款海報今日曝光,相中穿背心的周國賢(Endy)手握拳套,大晒麒麟臂,準備上擂台一戰,非常型仔。對於《一》片終於公映,身為男主角的Endy也大感興奮:「新年快樂!辛苦大家等咗咁耐,我自己都等咗好耐!希望大家可以感受到我哋團隊辛苦製作出嚟嘅成果,無論點都好,都要注意身體健康!加油!」導演兼主演的趙善恆(恆仔)亦表示好感恩:「幾經波折,《一秒拳王》終於可以喺戲院上映同大家見面。無論幾咁艱難同痛苦,我依然相信每個人都擁有改變將來嘅一秒能力。《一秒拳王》需要大家嘅支持,希望大家會進場欣賞呢部充滿誠意嘅香港電影!」

除了可正式與觀眾見面,《一》片亦首次衝出香港!繼早前成為《香港亞洲電影節》閉幕電影及《香港電影評論學會大獎》推薦電影之一,該片更獲邀參展美國芝加哥的《亞洲躍動電影節》。恆仔收到消息後十分高興,他說:「當然非常開心!呢次係《一秒拳王》第一個衝出亞洲獲邀入選嘅電影節,希望美國嘅朋友會喜歡呢部電影。再次感謝一眾台前幕後,大家都係用盡200%嘅努力去完成呢部戲。希望大家欣賞《一秒拳王》之餘,亦感受到呢部電影帶畀大家嘅力量!」《一》片由《救殭清道夫》班底製作,Endy由「廢中老竇」蛻變成「一秒拳王」,激戰《出貓特攻隊》泰國男神查朗桑提納托古(Nonkul),拳拳到肉打到爆缸!此外,還有大馬女神林明禎、盧海鵬、袁富華、張建聲和天才童星熊倬樂等攜手演出。