前日正式退役的韓國男團EXO成員D.O.,今日凌晨開直播跟一班EXO-L(EXO粉絲名)見面。D.O.感謝Fans在這一年多以來的等待,又分享當兵的經歷。因為擁有料理專業資格證而在軍中擔任「伙食兵」的他大爆相當辛苦,事關要煮好多餐及大量餸菜畀一眾軍人。呻完辛苦的他又表示煮「大鑊飯」機會難得,所以十分努力,希望能煮出好味伙食。料理天份加上日子有功,D.O.獲軍中同袍大讚飯餸好吃,令他好有成功感兼相當滿足。直播進行時,隊友世勳突然入鏡,更「搞破壞」起鬨叫D.O.扮可愛冧Fans。雖然世勳以至一班EXO-L都好想睇,但就慘食檸檬,D.O.更搞笑地將世勳推出鏡頭外。