李施嬅去年飛往加拿大拍攝劇集《Blood and Water》新一季,惟受疫情影響,拍攝被迫延期。事隔將近10個月,劇組終於宣布復工,施嬅因而缺席早前的《萬千星輝頒獎典禮2020》,於本月9日出發回加拿大拍攝《Blood and Water》,目前正於當地酒店接受14日隔離。昨日施嬅在個人Youtube Channel上載影片,分享自己在疫情期間,從香港飛往加拿大的經歷,片中穿上粉紅色連面罩衛衣的她,戴上護目鏡和口罩現場直擊機場、機艙的情況;到埗後,她又為大家介紹自己所入住的隔離酒店。未料因加拿大疫情嚴重,當地政府日前宣布進入緊急狀態,施嬅今日就在IG上載照片,分享精美的日式便當。她坦言劇集《Blood & Water》拍攝可能要再延期,拍劇遇上一波三折的施嬅惟有自我安慰,以英文寫道:「而家呢餐令我心情好多了!唔理遇上咩情況,我哋都可以搵方法令處境變得好啲,而我嘅方法,就係品嚐美食。#為食妹」她又Hashtag「應該係兩個人嘅份量」、「有啲過份」、「不過最緊要開心」、「為食到爆」,見其面前有3大盒裝滿刺身、飯、水果等的便當,估唔到瘦削的施嬅咁大食,連好友陳山聰都留言「嘩」一聲。咁有胃口,睇怕心情都冇乜受影響。