蕭正楠晚上約10時於社交網發放影片,詳細交代因被列密切接觸者而強制入住隔離中心的情況,兼且透露初步測試係呈陰性,大家可以放心。

片中他神態自若,喺一張白色鐵牀前笑笑口拍片說:「Hello 大家好,首先要多謝我啲兄弟姊妹、朋友、同事、記者朋友,關心我嘅Message。我好好,大家唔需要擔心我。我同大家講講我嘅情況先,我𠵱家喺隔離中心隔離緊。事緣18號,我拍攝我嘅飲食節目,尋晚9點多收到衛生署打電話嚟,話當日有個經理在場,而呢位經理確診咗,而我成為密切接觸者。所以根據法例我需要隔離,咁所以我嚟咗呢度,但係我做咗測試,初步測試係呈陰性,negative,所以大家可以放心。我喺呢度隔離完之後就會返出去,大家唔需要擔心我。希望大家可以捱過呢個疫情,呢個疫情真係好利害,希望大家可以撐得住。好啦!唔同大家講咁多,我𠵱家要去抹地啦!」