傳連詩雅(Shiga)同陳家樂撻着,有拖拍嘅連詩雅特別醒神,唔只身形keep得好,就算素顏,從半邊面都睇到神采飛揚,容光煥發。

 

慧姸雅集會長翁嘉穗在網上發起抗疫運動挑戰,呼籲女士們居家抗疫同時不忘保持身體健康。被點名嘅Shiga隨即接受挑戰,今日喺社交網站分享咗一張着住bra top配緊身運動褲相,相中她大晒22吋「Shiga水蛇腰」,身材纖幼,瞬間便吸引過萬網民畀Like,她留言:「抗疫在家都唔可以忘記做運動,分享一個簡單運動出去,我今日已經做左100下sit-up, 30下burpees 同 50下Squat喇!」她更向梁諾妍、黎紀君等發起挑戰,但未有標記緋聞男友陳家樂。