落選港姐廖慧儀(Jessica)早前跟TVB節目《#後生仔傾吓偈》的23歲小鮮肉孔德賢(Danny)傳撻着,有指Danny仲充當柴可夫管接送又約食飯,激到Jessica的圈外男友Sam於IG點名Danny:「Stop finding my gf please.」直至早前,Sam再於IG出Po宣佈「分」訊,Jessica亦火速刪除二人昔日甜蜜合照。然而6天前仍上載生活照的她,今晨卻忽然於IG Story自爆帳戶遭入侵,更遭人騷擾!Jessica上載了數張截圖並留言:「密碼改幾多次都無用,原來一直仲偷用緊我Email。跟蹤威脅恐嚇性騷擾,當街偷我電話跑走,捕我落堂、炸我WhatsApp講粗口鬧我唔去見你,全日打幾百個電話比(畀)我打到我電話無電!出Post說我不是話要比(畀)世人公審我,我被人鬧唔緊要,呢啲人都係互不相識嘅認,佢哋根本唔知件事嘅來龍去脈,但唔好事後同我講個Post唔係自己出,係Account被人Hack左(咗)再搵朋友食死貓,扮到事不關己,扮呀(阿)妹扮朋友搵我,日日都玩跳樓,你要搞清楚呢啲唔係愛既(嘅)表現,你要既(嘅)解決方法我已經一早做左(咗),相已經Del左(咗),唔該你唔好再騷擾我打搞我、我朋友同我屋企人其實好多嘢已經可以報警處理,但諗吓點解我被你騷擾左(咗)一個月我都無咁做。點解?我一路被陌生人人身攻擊,我都無出聲,成見事如果你係受害者,呢個唔係你最想要同埋最好嘅結尾咩?」雖然未有指名道姓,但網民就聯想到滋事者是其前男友Sam。對此,Sam至今仍未於社交網作出回應,但昨晚他貼出打籃球的側拍,並有感而發說:「人生第一次經歷如此的九月份,很感謝也很感謝身邊還有家人,朋友在這二十日關心、着緊我,如果沒有了你們,我一早已經放棄自己。」