樂壇天后孫燕姿跟荷蘭籍老公Nadim Van Der Ros於11年結婚,婚後育有一子一女,分別係8歲大仔納小子及2歲細女Poppy,雖然天后都有社交平台,亦久不久更新,會貼自己工作相又會Post生日照,但仔女樣貌從未曝光。
天后昨日罕有貼仔女側面相,加咗效果嘅,見到五官但唔清楚,不過已經係一個突破。天后話:「想到明天大家在不一樣的地方,看着同樣的月亮,突然覺得有點小開心!我幫小孩準備了一支支煙火棒和燈籠。雖然全家不能到齊一起賞月,我想我們還是會各自吃月餅,提燈籠。」佢最後祝大家中秋快樂,闔家團圓。