現居於美國的吳彥祖在當地發展演藝事業,最近他接受好友陳哲廬(Jerald)的網台節目《本週Jer住你》大談留美發展的原因外,又透露兩人相識經過,大爆當年Eric Kwok(郭偉亮)與馮德倫(Stephen)在謝霆鋒屋企鬧交。
吳彥祖笑言初時未知發生何事,原來Eric同Stephen為討論玩啤牌13張的規矩爭拗;Jerald謂記得兩人為「蛇食三條」定「三條食蛇」吵。吳彥祖說:「好似係Eric不斷篤佢話講笑講笑,然後Stephen突然爆,我識佢咁多年冇見佢係咁,所以我都好愕然,我以為係假嘅添!我以為係玩吓,但我見到佢手震先知係真。」
Jerald指霆鋒充當「和事佬」,還說:「你係我兄弟,你又係我兄弟,唔好X嘈啦!得唔得呀?」不過吳彥祖補充說張栢芝當時亦在場,雖然他們在鬧交,不過栢芝就打緊詠春木人樁,令他覺得好奇怪。