由黎耀祥(祥仔)與陳豪兩大視帝主演,陳維冠監製的無綫新劇《殺手》昨晚啟播,56歲的祥仔演出相當矚目,雖然呢部劇已變咗TVB部頭藝員合約,但他依然相當落力,除咗由頭打到尾和唔少喪跑戲外,還有唔少香艷鏡頭,包括講他喺台灣夜店攬啜低胸辣妹、摸pat、掃腿,兼且頭壓女方胸口,而離開時,兩人喺的士車廂內重演「安心事件」,司機食住花生睇兩人親熱。唔怪得黎耀祥老婆話怕尷尬,當日喺台灣都唔敢去現場探班啦!

 

劇情甫開場,講人稱閻王的殺手閻武(黎耀祥)奉命喺台灣殺死江湖大佬,祥仔輕輕鬆鬆就完成任務,殺完人仲繼續搵女尋開心。鏡頭一轉講到十年後他家財散盡,生活潦倒要回港搵食,接一單有百萬進帳的艱巨任務,點知被喬星(陳豪)利用。

 

而祥哥和一樓鳳嫻姐(江美儀)是恩客關係,美儀不時煲靚湯,又為閻武按摩,舒緩殺人後的傷患。而48歲江美儀著住黑色喱士內衣出場,身材豐滿,突顯線條,就算戲份唔算多都相當搶眼,吸引程度絕對唔遜於著住魚網絲襪加deep v短裙仔嘅貪錢師奶仔錢向茜(李佳芯)。