周杰倫同昆凌結婚四年多,周太婚後生下女兒小周周Hathaway及兒子小小周Romeo,一家四口好幸福!兩公婆一直好保護仔女,貼小朋友相都必定遮樣,或者遠距離拍攝,務求畀你見到但又見得唔係咁清楚。

尋日周太昆凌喺ig story貼咗囝囝小小周嘅動態相,Romeo雙眼依舊加咗副超作遮掩,但耳鼻口加淺髮色見到好清楚,混血味出晒嚟,同昆凌超似樣,肥嘟嘟好得意。