泫雅正進行《FLOWER SHOWER》回歸活動,尋日佢為MBC音樂中心錄製節目,曾經為應援Fans送過名牌貴價化妝品、衛衣及定制毛毯等禮物嘅泫雅今次再獻新猷,就係自己代言品牌嘅羽絨褸,並同時進行迷你見面會。

除送羽絨外,泫雅更唔介意蹲低逐一為粉絲喺手貼貼紙,就算粉絲遞上手機,泫雅亦無托手踭,用粉絲手機自拍影相,甚至向遠道而嚟嘅秘魯Fans送上深深嘅擁抱,攬得又可以合照仲有厚禮收,做泫雅嘅粉絲真係好幸福。