黃智雯出席花卉活動,除了跟現場觀眾中玩遊戲,還場即場製作花球,十分熟手,但她謂從未試過做花球,但喜歡看插花。她說:「讀書時期,記得拍拖第一次收花,因為唔捨得掉,我逐塊逐塊花瓣折落嚟,放入樽做乾花同書籤。」

智雯表示現在喜歡收到較細束的鮮花,說:「收過一大盒花,都好Sweet嘅。(男友送?)嗯,今年情人節佢都有送花畀我,但我又唔會特別要求要收花。(男友好浪漫?)我覺得係㗎,佢唔會特別講出聲,會真係做咗之後再畀驚喜你,我幾欣賞佢呢一面,低調得嚟又浪漫。」
智雯自言做過最浪漫的事,就是親手造了一本畫冊,來記念他們拍拖1周年。

至於在活動上提及想掟花球,是否恨嫁?她笑說:「我淨係想掟果下囉!我覺得好得意,因為我記得(胡)杏兒結婚,係我收到花球,係佢哋質畀我。但我覺得係開心事,係一個祝福,但未必收到花球嘅女士,就係下一個結婚。」可有計劃結婚?她笑笑說:「未有計劃,不過我都有幻想,婚禮會係一個花海度。」(攝影:駱震寧)