近日一名港媽在社交網站投稿,大呻野蠻奶奶由懷孕到坐月期間,從沒有尊重過自己,譬如在孕期裝修、逼飲中藥,令她身心俱疲。更心痛的是,港媽後來發現,多月來慘成磨心的丈夫竟在她產後出軌。面臨家不成家的困境,港媽發文向網民徵求意見:「究竟我係咪佢哋屋企人,定佢哋根本無當我係人……我應該點做?」

港媽在帖文一開首表示,她目前即將與丈夫離婚分居滿兩年,當初離婚的決定並不是她選擇,而是丈夫不願意再接受這個家。港媽指,丈夫是她的初戀,拍拖6年,結婚兩年,二人經歷了許多事情,一直以來丈夫亦十分愛錫自己。「曾經覺得自己係好幸運好幸福嘅女人,但關係嘅變化由我懷孕開始。」

港媽的丈夫有一個弟弟,奶奶非常疼錫他,所以丈夫在家中的地方十分低微。但無奈他們兩夫婦受財政所限,只好跟老爺奶奶同住,結果婆媳爭拗不斷,令港媽身心俱受折磨。據港媽所說,她的外家有點迷信,所以已事先跟丈夫溝通,着他不要在懷孕後裝修屋企。結果老爺奶奶趁她回外家兩天,便在家中開始裝修廚房。

「一星期後我就入院,兩星期後做結構發現我仔耳仔有問題,第一次做媽媽嘅我當堂喊爆,好唔開心。」然而,港媽並沒有將此歸咎在老爺奶奶身上,但為平安陀好BB起見,於是又再提醒丈夫,在生完BB後才處理裝修之類的大事。但無奈奶奶在她臨盆前又再裝修,更斥責丈夫迷信,「點知當我臨生前一個月我奶奶又搞事,仲要喺我面前話我先生唔好咁迷信啦,點講都唔聽,我喺度就當我透明!」最後一次照超聲波時,港媽發現BB臍帶纏頸三圈,因為週數未夠,所以需等待兩星期才可以開刀,期間她每日都非常擔心,而她亦發現奶奶同樣是一個迷信的人,開刀時辰、改名統統都要由她決定:「佢係認為啱嘅事就係啱,而佢就係大師!佢認為邊個時辰開刀就係好,佢認為我個仔缺乜所以改名就要改乜,即使所有嘢搵兩個師傅睇過佢都覺得人哋白撞,永遠覺得自己係啱嘅!」

在港媽生完BB後,奶奶的惡行並沒有停止,港媽開刀兩日後,奶奶便逼她飲魚湯,結果令她石頭胸痛,「我唔飲就唔開心,搞到佢細仔以為我喺屋企蝦佢阿媽。」之後到仔仔出院回家,奶奶又提出要用粟米鬚水為他洗澡,但因為他身上有傷口,所以港媽一早已表示用清水洗會比較好。誰不知奶奶竟假意答應,回家後便立即用粟米鬚水幫BB沖涼。

另一方面,因為BB曾出現臍帶纏頸的情況,所以臉色有點黑。奶奶竟又再次專家上身,逼港媽飲中藥過奶予BB。結果港媽飲完一劑中藥之後,又屙又暈,即使跟她好好溝通,亦完全聽不入耳,「因為奶奶,我坐月成個月,我就同先生嘈咗成個月,先生有幫我講說話,但奶奶永遠唔會聽。」更令港媽心痛的是,在BB四個月大的時候,她發現丈夫出軌,對方是丈夫8年前曾喜歡的人。丈夫事後怪責港媽,指結婚生仔都是港媽一手逼他,多月來慘成磨心的他又直言,在她和母親之間「好難做」,因為「手掌手心都係肉」。「究竟我做錯咗乜嘢?嗰一刻個心好痛好辛苦,唔知點算好!其實我係咪真係做得唔夠好?」

丈夫向港媽表明,他已經跟出軌對象斷絕來往,但亦都不會繼續與她一起繼續下去,因而提出離婚。但最令人髮指的是,奶奶一家在過程中一直火上加油,鼓勵他們盡快分開。「我老爺奶奶已經無理,就話我哋成日嘈交都唔知係咪真係適合,而佢細佬結婚到依家都無叫我一句阿嫂,仲同我先生講離婚仲好。究竟我係咪佢哋屋企人,定佢哋根本無當我係人⋯⋯我應該點做?唔想小朋友喺單親家庭長大,想重新開始⋯⋯係咪有啲傻?!」