一名擁有大學學位的網民發文,他身兼兩職,日間任文職、晚上任保安,他認為保安工作相對簡單,月薪1.5萬元每日上班9小時,相對外面工作都是差不多,是一份「筍工」,指外界對保安有偏見。

連登討論區有網民自稱,曾經做過一年多保安,最近重操故業,「唔知點解其他人對做保安好有偏見」,他形容「呢份工性價比真係好高,我依家做呢度1.5萬返9個鐘,每日巡兩次樓,大概30層樓咗右,做嘅只係由左邊樓梯打鐘打到右邊,然後落下層,快嘅半個鐘行完,慢嘅一路睇片一路行就一個鐘左右…留意下邊層有咩問題之類,落樓就講聲畀當值主管就完之後就坐向度睇片聽歌」

他認為,收入算是不錯,工作量又不多,行行走走就完,之後做私人事就沒人理,「當然最好就唔好瞓覺,要瞓覺就自己搵位,例如天台之類,座頭就唔好啦」

當事人又透露另一份文職月入2萬,「日頭再打多份office ,每日既生活好充實」,「我日頭9-6,中間有一個鐘食飯,通常我帶飯返工,食完就訓,呢度有一個鐘,跟住6點後因為返屋企比較近,6點半已經到屋企,訓覺到9點,沖個涼就返保安」

他感覺,對比一些工種例如侍應、快餐店店員之類,「呢份工簡直係筍,依且仲要穩定收入,返工都係9個鐘,又唔洗點做又有得坐又沒人理你做咩」。他反問,「依家我都唔會想再搵其他工,反正都係搵咁多人工,做咩要咁辛苦呢」。

他又指,曾有一份月入3萬的工作,但壓力大到想自殺,現時「返工就返工,放工就放工」,更可利用上班時間看書、進修,增值自己。

有人留言反過來質疑,「睇你人生想要啲咩,你唔鍾意人哋對保安有偏見,人哋都唔鍾意你對工作量多嘅工有偏見姐」。
也有人認為,「但要日夜顛倒好傷身」