本港疫情反彈,市民都格外注意衛生。不過有港媽日前帶孩子到濕地公園玩,就見到有家長帶著孩子不戴口罩影畢業相,更自私霸佔草地,不讓其他小朋友遊玩。

港媽在「生仔要考牌系列」Facebook專頁發文,指周末放假帶孩子到濕地公園玩,到下午3點左右,有一班穿校服的幼稚園生和家長,在公園入口的大草坡影畢業相。港媽的孩子走到附近時,被其中一位媽媽揮手示意禁止再走上去。

港媽表示,孩子無走到影相位置,而且整塊草坡很大,不明所以,於是去詢問了解情況。不過該名媽媽就表示「佢哋會周圍跑㗎嘛,你咁樣會阻住我哋」更有另外一名爸爸大聲喊話「叫你哋走呀!」

港媽說,見他們都沒有戴口罩,自己又帶著孩子,不想生事,於是離開。到5點公園關門,她們經過門口準備離開時,孩子問了一句「點解你哋唔戴口罩嘅?」豈料辣著火頭,「當時其中一個港爸(亦都係無戴口罩)即刻好惡咁話:關你屁事?」

港媽批評,幼稚園已爆發上呼吸道感染,再加上疫情嚴重,一個病就會即刻傳染。「希望各位港媽港爸有少少責任心,肺炎菌同埋流感係無眼㗎,唔會話佢係friend就唔會惹到囉!影相時唔戴我明,但影完相就麻煩戴返個口罩啦!你哋咁搞法,一傳十,十傳百,停課只會沒完沒了囉! 」

不少網民都表示,「咁你影相又關我事,咁巴閉自己book場影呀」、「同職員講有人霸左個草地」、「成日見到啲小朋友唔戴口罩,仲以為佢哋免疫」。