家中有小朋友要特別留意家居隱藏的危機。有天水圍街坊就驚見天逸邨逸池樓,有小朋友半個身伸出窗抛紙巾,窗戶無裝窗花,令人擔心小朋友一不小心或失足跌落街,釀成悲劇就追悔莫及。

網民在「天水圍友」Facebook上載一段影片,片中一個男童,半個身爬出窗,將紙巾垃圾抛落街上。先勿論高空擲物對錯,「如果後面嗰兩個小朋友堆一推佢就隨時跌落街」。網民表示已報給管理處跟進,「如果係佢哋嘅鄰居或者屋企人麻煩留意吓!唔想變悲劇」。

不少網民都很震驚,「有小朋友唔裝窗花。即係掘個氹俾自己踩」、「再見到直接報警,報咗管理處都吾會理㗎」、「冇窗花咁危險之餘,個小朋友咁冇公德心嘅?」