近日只要在google搜尋頁面輸入「時代」兩字,即時便彈出「時代中國」,可見在網上網民幾咁關注「時代中國」。市值280億嘅時代中國,係一家中小型內房股,卻能成為網民熱搜嘅公司,主要跟上周一條的士車廂男歡女愛短片有關。因事件男主角被指疑似時代中國高層,該公司一直未對外回應事件,但今日突然發出通告表示,自上周五起黃永年已退任首席財務官職位,將由集團執董兼副總裁牛霽旻兼任首席財務官職位。突然更換CFO,未知是否與該段的士情慾片有關?

上周三,網上瘋傳一條的士車廂短片,短片中一男一女竟旁若無人,懶理前面正在全神貫注駕駛嘅的士大佬,在後座親熱起來。短片被人放上網,迅速爆紅成為全城熱話。據了解,時代中國內部通報指,車廂行為雖然係私人生活,但與集團形象、企業文化有所違背,因此撤銷當事人有關職務。