ERROR四子配音時,仍不改搞笑本色,空檔時立即互窒互寸。
ERROR四子配音時,仍不改搞笑本色,空檔時立即互窒互寸。

  (星島日報報道)由英皇電影及洲立影片聯合榮譽發行荷里活電影《保鑣救殺手2》,找來ERROR成員肥仔(梁業)、阿Dee(何啟華)、193(郭嘉駿)及保錡(吳保錡)為該片的宣傳片配音,這次亦是四子首度「進軍」荷里活之作。

  《保鑣救殺手2》的演員卡士可謂十分強勁,包括《蝙蝠俠》系列金像得主摩根費曼(Morgan Freeman)、兩大金像提名男星安東尼奧班達拉斯 (Antonio Banderas)及理查格蘭特(Richard E. Grant),還有Marvel三大巨星:「死侍」賴恩雷諾士(Ryan Reynolds)、「神盾局局長」森姆積遜(Samuel L. Jackson),以及即將於《永恆族》出現的莎瑪希恩(Salma Hayek)。

  早前肥仔、阿Dee、193及保錡替《保2》宣傳片配音,保錡誇下海口說:「覺得我哋今次配音做得好好,前無古人、後無來者!就算專業嘅配音員,都冇配到我哋呢個成就,因為專業配音員絕對唔會咁配,實在太勁!」率直敢言的193卻語帶保留地說:「我唔夠膽好似保錡咁講,呢個只係代表佢嘅立場!」肥仔亦加入戰團:「有咩網絡言論要攻擊保錡,記住係佢一個人講!」保錡保持自信謂:「再講一次,都係前無古人、後無來者!認真得嚟又好似咁廢嘅話,得我一個做到!」阿Dee總結:「呢個配音好feel!」

  問他們首次「進軍」荷里活的感想?保錡又發表偉論:「我希望佢哋(戲中三位主角)同Marvel講,遲啲有個超人(角色)記得搵我做……佢哋好鍾意喺香港取景,幫我整個蜘蛛俠吖!」肥仔笑笑口說:「Marvel冇超人㗎喎……你可以做曱甴俠!」193更啜核提議:「叫保錡做沙律俠,淨係食沙律,一食沙律就有力!」阿Dee提議《保》開拍第三集應該拍香港版,他們更即場自度片名及角色。