劉穎鏇和余德丞在沙灘拍外景卻沒穿泳裝上陣,令人失望!
劉穎鏇和余德丞在沙灘拍外景卻沒穿泳裝上陣,令人失望!

  (星島日報報道)出名樣靚身材正的劉穎鏇及余德丞,昨晨於石澳後灘拍攝無線新劇《青春不要臉》。只可惜兩人都未有泳裝上陣,沙灘上卻出現80年代的「垃圾蟲」。惟早前劇組被網民發現在山上拍攝後留低垃圾,劇情提及亂拋垃圾,余德丞認為無矛盾,強調劇組出外景有互提帶走垃圾,有遺漏屬不小心。

  余德丞提到此劇背景是80年代,而「垃圾蟲」亦是當年產物,劇情描述他們拍攝宣傳片,推廣「清潔香港,人人有責。」談到他們都相當年輕,拍攝80年代背景是否很有新鮮感?余德丞笑說:「我比較老啲,有見過『垃圾蟲』嘅,呢隻嘢好得意,當時有睇過宣傳片。外景方面好有心思,會盡量揀番似80年代嘅建築物,希望呈現番當時嘅感覺。」劉穎鏇笑笑說:「我睇到啲道具同埋服裝,覺得自己好80年代感覺,好特別。」

  談到沙灘戲不用騷身材,會否都是樂事?劉穎鏇笑笑說:「係呀!都OK嘅!」余德丞就大爆劉穎鏇劇中都有泳裝戲,會穿着80年代最性感的泳衣,笑說大家要密切留意。提到80年代男士應該多數穿超小型三角褲,他笑說:「我無着泳褲,所以唔知,就算落水都係着晒衫嘅。」

  另外,問到「垃圾蟲」是否後加劇情?他們透過是原先已有的劇情。談到劇組早前於山上遺留垃圾,在網上引起小風波。是日劇情呼籲清潔香港,會否怕又引起網民熱烈討論嗎?余德丞說:「唔會矛盾嘅,係公民責任,嚟到帶走自己嘅垃圾,每個人都會做嘅嘢。呢段劇情本身已經有,但當提醒我哋又好,當提醒全香港市民都好,去到郊外、公共地方,帶咗垃圾嚟就要帶返走。因為我哋每逢開外景,每個單位都會互相提醒。我哋嗰次當然唔係有心,係唔小心地遺留咗袋垃圾,所以每次都要互相提醒番大家。」