主音6號兩度灑淚。
主音6號兩度灑淚。
RubberBand前晚舉行尾場紅館騷,向港人打氣加油。
RubberBand前晚舉行尾場紅館騷,向港人打氣加油。
RubberBand紅館演唱會圓滿結束。
RubberBand紅館演唱會圓滿結束。

  (星島日報報道)RubberBand的紅館騷前晚舉行尾場,主音6號兩度灑淚,又為香港人加油打氣,場面感人!他們表示暫未有計畫開Part 2,笑言最想休息及食雞煲,自嘲年紀大搞騷很累。

  一連4場《RubberBand Ciao 2021》紅館演唱會前晚尾場,田蕊妮、許廷鏗、釗峰及On仔等現身捧場。當6號逐個送別樂手時,感觸落淚,及至獻唱最後一首歌《Ciao》再度爆喊,場面感人!是夜輪到泥鯭Solo,他自嘲年紀大,想好好記住今晚的畫面,未知會否有下次,故採用「流水式打招呼」。他說:「走吓一個,走吓一個,跟個騷一樣沉重,但諗真啲其實不沉重,至少我們仍生勾勾,仍有親友及『同路人』互相扶持,無論再難的路也可以一起行下去,所以面對『散』不用太傷感。當大家明天回歸正常生活,其實香港冇乜正常生活,冇乜正常,也要懷着珍重的心去迎接每一次聚首,這樣才可以瀟灑面對每一次別離。」當他高呼:「香港人!」時,觀眾接力說:「加油!」而6號獻唱《發現號》後亦大叫:「香港人加油!」並感謝老婆兼填詞人Tim Lui為RB創作多首好歌,三度Encore才完騷。

  受訪時,6號直認唱《Ciao》時想起天上的媽咪;阿偉則大讚6號叻仔,以往一場喊幾次,今次4場騷才合共喊了幾次。雖然個唱叫好叫座,但RubberBand直言未有時間思考開Part 2,現階段最想休息及食雞煲,又對前財政司司長曾俊華來捧場感榮幸,皆因「薯片叔叔」是Band友,但笑言未夠班邀請對方加入。