胡杏兒與老公、囝囝幸福美滿,如今家中再添一子,非常熱鬧。
胡杏兒與老公、囝囝幸福美滿,如今家中再添一子,非常熱鬧。
杏兒笑言兩位囝囝見到細B開心又新奇。
杏兒笑言兩位囝囝見到細B開心又新奇。

  (星島日報報道)胡杏兒昨日宣布第3個兒子李奕宏(Liam)於復活節前已經出世,體重8磅多屬巨B,坦言順產時的確有點辛苦。她覺得Liam的樣貌是兩位哥哥的混合體,兩位哥哥對弟弟亦照顧有加。杏兒正式宣布收山封肚,因已有3個兒子需要時間去照顧、陪伴及教導。

  胡杏兒於昨日下午13:14分於網絡平台公布喜訊,並透過錄音訊息回應傳媒問題及分享喜悅,她說:「多謝大家嘅祝福,其實BB喺復活節前已經出咗世,因為都係第三個啦!所以都係好忙。等佢返咗屋企先同大家公布,佢都好重,無諗過佢咁重,佢都8磅幾,係順產嘅,生佢都少少辛苦,因為佢好大隻。」

  杏兒透露第3個兒子名為李奕宏(Liam),她說:「其實都係爸爸改,今次老公都可以入到產房陪我,一切都順利。我覺得BB似哥哥同二哥嘅混合體。」而再為人父的杏兒老公李乘德(Philip)亦於社交網上載照片手持BB籃的照片,並留言表示兒子在剛過去的周末出世,重8.4磅,英文名Liam是愛爾蘭人名字,意思跟隨兄弟們足迹,還有「堅決保護者」的意思,至於中文名則會隨族譜「奕」字輩。最後,他透露太太和BB都已平安回家休養,感謝各界的祝福。

  提到杏兒在13點14分公布喜訊,杏兒笑說:「一生一世?呢個唔係佢出世時間。總之希望佢健康快樂,我諗都要收山喇,都三個、要時間去照顧、陪伴、教導,其實男女都無所謂,最緊要健康。兩個哥哥見到弟弟都好開心,覺得好新奇,又爭住錫佢睇佢,咁依家BB都好乖,好易湊,多謝大家關心。」