千嬅變身YouTuber,分享烹飪樂趣。
千嬅變身YouTuber,分享烹飪樂趣。

  (星島日報報道)在抗疫期間享受烹飪樂趣的楊千嬅,亦變身成YouTuber炮製節目《千言.慢煮》,每集邀請不同嘉賓無所不談、邊煮邊傾,打頭炮嘉賓請來谷祖琳(小谷),兩人在節目中分享在職媽媽的心得及湊仔樂。

  千嬅和小谷認為在職媽媽未能全天候照顧子女,對老公亦一樣,有時可能會疏忽了他們。談到老公是否有投訴?千嬅說:「個仔發燒我會好緊張,如果燒到40度我會成個人癲晒,不過老公會冷靜啲,等個仔好番,丁生會話其實我都會發燒㗎!」

  小谷表示有朋友的老公真的會詐型,認為仔女出世後冇理過。她說:「如果佢同我講就一定同佢開拖,我會好嬲,因為娶個老婆返嚟咁緊張你啲仔女,要跪喺度多謝佢啦!唔該啲老公醒扒啲,幫老婆分擔吓,唔好搞咁多嘢!」