李國麟強調批評只屬愛之深責之切。
李國麟強調批評只屬愛之深責之切。

  (星島日報報道)李國麟早前接受媒體訪問,批評無線現時藝人政策及製作,直指公司拍「膠劇」,又稱「1年6騷」的藝人合約變相逼人借貴利等。李國麟昨日主動邀請傳媒訪問,他表示算不上是澄清,但報道出街後迴響大得令他害怕。他說:「如果大家以呢個角度睇公司係好唔公平,現時公司好似俾我踩咁。我唔喺度做就係踩公司,我仲喺度做就係為間公司好。」他坦言不少老友表示看到報道覺得不舒服,所以昨日返電視城就是跟老友傾談。

  李國麟強調「膠劇」是觀眾說的,他說:「觀眾咁講,我做咗幾十年,我可以代有份演嘅劇講幾句。唔係TVB劇唔得,係TVB嘅劇集未必符合所有觀眾口味,再加上睇劇模式已經唔同咗。」談到「1年6騷」,他表示確有演員向他抱怨過。公司對不同演員有不同安排,但演員亦要反省是否不夠長進。問是否因為受壓而出來解釋?李國麟說:「有都係我自己造成。(有冇畀高層照肺?)未照,我都幾十歲人,我覺得唔會鬧我囉,鬧我做乜。」他透露合約到2021年5月,他說:「我都係為公司好,唔想公司冧。亦趁機會同大家講聲唔好意思。」