（曾智華）
上周去到尖沙嘴一家酒店Coffee Shop午餐，食物不錯外，最大發現，所有侍應皆年輕勤奮，靚仔靚女，個個一口流利英語，也有個別是外籍的，哈，點解呢？
有此一問，乃因早前與土瓜灣餐廳經理K哥閒談，猛呻：「碌Sir， 人成日話失業率高，真係唔明。除非有特別身體隱藏問題，正常人有手有腳，就算年紀大，如今在香港，根本冇可能失業！非技術性工作，做保安好，做清潔好，長期打晒鑼都請唔到人，喂，萬六蚊至萬八蚊一個月 。若兩公婆做就三萬幾蚊，一定唔使住 房！」
佢愈講愈勞氣，肯定畀人激到上心口：「做侍應 ，有手有腳、個樣正常已非常搶手。不過，班友十之六七上工一個月就冇晒專業態度，遲到早退，可以突然聲都唔聲就失蹤，不單止冇辭職信，WhatsApp通知都冇。你話 ，做經理做到我 咁，係咪谷到變田雞 ！」
K哥苦水，小弟聽過N次，肯定係真像啦。佢繼續呻：「我打幾十年工，都未見過似如今咁易『成功』 。只要有少少專業態度，已經年幾兩年升做『掃把』（Supervisor），人工過二萬元！」
哈，佢講到咁不堪，咁點解我身處呢家Coffee Shop又搵到如此高質素侍應呢？拉總管J問，佢揭開謎底：「碌Sir，你見到 侍應，其實全部大學畢業生，多數主修酒店管理系，應徵集團MT（Management Trainee），規定由底層做起，個個崗位都要懂，以便他日升職管人時，唔會被翹起！佢 個個未來經理級 ！」
剛剛一位笑容可掬看似西班牙血統侍應經過，順口問佢是否香港人。答曰：「Sir，我來自菲律賓，混血兒，大學畢業後應徵國際酒店集團MT，派 來香港實習，好高興有機會服務你！」
大家都是底層捱起，有的很快上到中層，有的磨極都係「爛泥」，完全公平，職場乃大長途，容不下符碌！
