華納唱片聯乘香港六間大專院校合辦《Warner Music Hong Kong SCHOOL TOUR 2025》，日前圓滿結束！今年演出陣容包括Dear Jane、MC張天賦、陳蕾、洪嘉豪、CONSTANCE康堤、Gareth.T 湯令山、Kiri T、moon tang、Nancy Kwai、Gordon Flandres、Gigi張蔓姿、Zpecial及Lewsz。
Kaho將推出全新個人專輯
身為華納大師兄的Dear Jane表示每年全公司上上下下一同走到各大校園演出都很開心，尤其看見同學們由他們「試聲」時已全場大合唱，覺得超級熱血！Kaho在演唱其新歌《下世愛你》時，被現場學生大叫「洪嘉豪！我愛你！」他不禁笑場並問：「你講咩話？」立即得到全場熱烈回應，而他更分享將於11月下旬推出全新個人專輯。
康堤大呼緊張
康堤首次參加華納大家族school tour，一眾師兄師姐亦不忘傳統－－黐背脊！身為華納小師妹的康堤理所當然成為「2025年華納School Tour傻豬豬」，被師兄師姐貼上整蠱貼紙上台演出！問康堤首次參與School Tour感受時，她大呼心情超級緊張，因為首次超近距離公開演出，師姐陳蕾亦有關心康堤，康堤認為「教大」的氣氛超級無敵爆炸好，她說：「我（表演到）最後好喘氣，因為我見到啲學生好興奮嘅時候我就即刻行過去！見到佢哋好興奮，我又好興奮！跟著最後我就無氣，哈哈，但我feel到（自己）越嚟越純熟，表現越嚟越好！」陳蕾亦說：「呢啲（喘氣）都係現場氣氛所導致，但我聽到你話你越嚟越純熟我都覺得太好喇！希望呢個school tour你可以攞到多啲經驗啦！」
《用背脊唱情歌》封為「年度之歌」
至於中大及恆大場次MC更邀請Billy Choi一同到學校首度演唱新歌《168.5》，甫出場同學們便尖叫歡呼聲不斷，現場氣氛超級熱烈！MC與Billy於恆大表演場地後台直言首唱新歌好緊張！MC說:「今日就黎到我地School Tour嘅第二日啦！尋日（中大場次）首唱《168.5》呢，我係好緊張！」Billy亦搞笑地說：「我都好緊張，我驚啲人係上面望落黎見到我矮，所以我一陣係會企返上台上面唱架！哈哈！」MC唱畢後亦不忘宣傳將於11月19日舉行《#Project 1201 Live in Macau》演唱會，現場學生紛紛大叫「加場！！買唔到呀！！」其後MC風趣地介紹下一位歌手時說：「以下落黎呢位歌手，我每次都係咁tag佢架啦，哈哈！我呢就鐘意正面同大家唱歌，而佢就鐘意用背脊嘅！」現場所有學生尖叫聲震耳欲聾，Gareth.T亦順應大家演唱自推出後旋即被網民認為「年度之歌」的《用背脊唱情歌》，現場氣氛非常高漲，同學們的大合唱近乎蓋過音樂及原唱！Gareth更於樹仁大學場次再一次「令山轉」！把現場氣氛推至全場最高點！不少學生高叫：「等睇你係頒獎台上做令山轉呀！」
