獨家丨尹光醒你聚財方法利是塞爆保險箱 環星多搞作楊立門莫郁秋輪住開Show

環星娛樂老闆張國林及「一哥」尹光率歌手楊立門、方俊、莫旭秋、方伊琪、瑪姬、吳江倫、李龍基及一眾粵劇人等「撈起」及切燒豬賀年。尹光坦言去年豬籠入水,趁年尾開關,急不及待赴美國開Show,唱足4場,成功追返呢幾年疫情下的損失;另張國林及方俊就表示,若張偉文狀態好,今年會繼續開騷讓他有精神寄託。採訪:方騫平 攝影:譚志光

張國林及尹光率楊立門、方俊、莫旭秋、李龍基等齊齊「撈起」。
張國林及尹光率楊立門、方俊、莫旭秋、李龍基等齊齊「撈起」。

 

今年環星娛樂有唔少搞作,打頭陣有楊立門於文化中心開個唱,之後到莫旭秋,而尹光就於5月及7月分別舉行時代曲及粵曲演唱會,另外仲有葉振棠補場,至於會否再為狀態時好時壞嘅張偉文搞騷?張國林話先入紙申場場地,再按偉文狀態去決定,情況許可一定開。張偉文經理人方俊相信,演唱會係張偉文𠵱家最大精神寄託,佢班忠粉對偉文表現亦收貨。

環星娛樂新一年多搞作,歌手們排住出騷。
環星娛樂新一年多搞作,歌手們排住出騷。

 

光哥今年分別舉行時代曲及粵曲演唱會。
光哥今年分別舉行時代曲及粵曲演唱會。

 

張偉文狀態好,今年會繼續開騷,讓他有精神寄託。
張偉文狀態好,今年會繼續開騷,讓他有精神寄託。

 

尹光拒認隱型富豪

提到去年尾美國登台之旅,尹光表示當地天氣太凍病倒了,雖然辛苦到不得了,但卻大豐收:「觀眾席得350人,但我收咗300封利是,其中老闆嘅大利是有600蚊美金。」光哥仲醒大家聚財方法,就係將多年來的利是儲蓄起嚟積穀防饑 :「我喺2006年加入環星娛樂,打後收嘅利是統統留為紀念,最大嗰啲有10,000港元,累積咗17年嘅利是幾乎塞爆咗個保險箱。」問到可有數十萬?他笑說:「我未得閒數呀,又唔等用咪留返老咗時,冇錢拆嚟用囉。」莫旭秋就反對光哥做法:「銀紙會貶值,我覺得要有咁多使咁多,否則對唔住自己。」光哥又否認自己係隱型富豪,並交波畀基哥(李龍基):「最有錢係基佬,佢唱咗酒廊咁多年,不過,我唱到就唱,永不言休。」稍後他跟瑪姬會合作rap新歌。

光哥跟瑪姬會rap一首講兩代人嘅新歌,歌詞會互踩,好搞笑。
光哥跟瑪姬會rap一首講兩代人嘅新歌,歌詞會互踩,好搞笑。

 

今年初葉振棠確診新冠肺炎,押後的演唱會將補場。
今年初葉振棠確診新冠肺炎,押後的演唱會將補場。

 

去年底尹光赴美國1個月,唱足4場,其中一場跟家燕姐合作。
去年底尹光赴美國1個月,唱足4場,其中一場跟家燕姐合作。

 

《星島頭條》APP經已推出最新版本,請立即更新,瀏覽更精彩內容:http://www.stheadline.com/ 

即時娛樂