李梓敬與湯家驊

政治圈,不少記者形容近兩年悶到抽筋,完全冇乜人或事再值得一提,係咪呢?絕對唔係!

  尤其如小弟呢類「傳媒精」,若果呢樣又話悶, 樣又話冇趣,咁就絕對唔適合食呢行飯。

  應該點?應該一如講波佬、講馬佬,明明場馬、場波悶到瞌眼 ,但專業的,不論中外,一定會照舊眉飛色舞,講到精采無比,如此才算是有料到。

  若各位唔知唔識?介紹你賽馬日,打開直播,聽聽廖浩賢點Call馬,就知我講乜 。

  朝朝打開政治版,點悶也好,仍有 值得講。例如今日我就想「提點」一下李梓敬議員,因佢有件事,不成體統!正是竟然著到非常Casual,T恤杏色褲,普通波鞋,咁就走去中聯辦莊嚴的靈堂弔唁,明顯與其他人大代表、行政立法會議員的清一色黑禮服,有極大差別。

  記者一睇,當然知唔妥,問佢點解。竟然答:「因太遲收到通知,無法趕回家換衫。」

  但點解其他議員又得?可能李議員實在太Green,唔知道做高官好、議員好,甚至記者都好,在辦公室,必須常備一套得體的黑色套裝,以備一Call就「去馬」!邊有人等你返屋企換衫 ?真係 。結果,出來全不得體!老友,家陣你去向國家前主席江澤民鞠躬呀!

  又講講另一位行政會議成員湯家驊。佢已脫離主流民主派多年,因思想有變,於是自組另一議政團體民主思路。不過,可能政見有點「唔湯唔水」,結果多次派員出選立法會,全部得個桔,身水身汗仍冇乜支持,零議席。

  而佢自己,幸因「旗幟鮮明」,唔使選都可以坐行政會議,凡有法律問題就衝出來「解畫」。

  搞智庫或政黨,當然要籌款。民主思路決定明年初辦籌款晚宴,並將邀請特首出席,賣 價十萬元至三十萬元,掂唔掂?

  老友,商界及政界,只講兩個字——現實。所以,民建聯籌款,從來唔憂,因大把議席兼阿爺錫晒。民主思路?有點尷尬,從多次選不到立法會,已知 今次籌款,將是「一面鏡」!

Uncategorized