過去兩周，凡與馬迷及前馬會高層老友聚會，最關注的，並非十二月十一日的《香港國際賽事》，而是——莫雷拉（條友）單 點解咁發展？到底香港馬會又為乜會如此處理佢「咁搞法」？
眾所周知，馬會要求騎師及練馬師的操守及紀律，非常嚴明，郁郁大刑侍候，以示「權在我手」。例如防疫規矩唔依足，即罰六十萬元（羅富全、葉楚航）！
又例如早年潘頓在馬場口出粗言，也是立即重罰，絕不手軟。再近點，騎師利敬國只私人與女友發生「家醜」，也會吊銷牌照，冇得再騎。
好 ，既然慣性如此認真，咁點解今次「拉叔」的處理，咁「縮窒縮窒」，好鬼怪雞喎。
小弟的賽馬老友組，內有資深馬迷、馬主及馬評人等，全有以下疑問：
一、莫雷拉早前話髖關節有問題，要返巴西醫。佢仍持有香港馬會牌照，只是「告病假」！但點解可以在這段期間，未得馬會批准，就接受日本馬圈邀請，出席十二月十一日的《香港國際賽事》？傳媒更公布佢會騎三匹，包括「麗冠花環」、「拉丁城市」及「滿耀瓶」，是否有 「視香港馬會如無物」感覺？前馬會高層老友指出，正式做法，應是莫雷拉先回港，由馬會指定醫生詳細檢查，認定適宜出賽，才可接受邀約。如今「自把自為」，完全無規無矩，點解馬會接受？搞乜？
二、莫雷拉揚言掛靴，因健康有問題。咁就奇 ，因咁 狀況，竟可周遊列國騎多半年。喂！難免畀人感覺，「身體有事」根本是藉口，實質幕後有不可告人的原因，故才做出古古怪怪安排。
三、馬會總裁應嘉柏，為乜會接受呢個安排？假若他日有其他騎師也如此般當「香港馬會無到」，會否仍先「尊重」再「感謝」多年貢獻呢？實在耐人尋味。
其實呢單「莫雷拉事件」，一日真相未大白，佢都不宜 住巴西牌照，另加巴西醫生話OK，就在香港上陣，太過冇規冇矩了，成何體統？
講返今晚！上次提供布文三隻，中規中矩，一W一P，W的「銀亮之風」竟有十六倍，嘩！
今晚繼續捧佢，尤其「飛凡」及「艮志騰雲」！祝「福有油雞」！
